Një nga pyetjet që njerëzit kanë në lidhje me vaksinën është sa kohë do të duhet që vaksina t’i japë dikujt imunitet ndaj virusit.

Dr. Anthony Fauci, drejtori i Institutit Kombëtar të Alergjisë dhe Sëmundjeve Infektive në SHBA, tha se imuniteti i plotë ndaj virusit zhvillohet një javë deri në 10 ditë pasi njerëzit të marrin dozën e dytë të dy vaksinave.

“Dy vaksinat, Moderna dhe Pfizer, janë ato që quhen një “nxitje kryesore”, një injeksion i ndjekur në (tre deri në katër) javë nga një tjetër injeksion”, u shpreh Fauci për CNN.

Njerëzit fillojnë të zhvillojnë imunitet pas dozës së parë të vaksinës, por nuk është optimale apo absolute.

“Pas dozës së dytë, ju merrni imunitet të plotë diku në 7-10 ditë më vonë”.

Vaksinat duket se ofrojnë mbrojtje të paktën po aq të fortë, në mos më të fortë se imuniteti që njerëzit kanë, pasi kalojnë Covid-19.

“Nëse shikoni vaksinën, niveli dhe cilësia e antitrupave neutralizues ishte e krahasueshme dhe madje edhe më e mirë se ajo që shihni në plazmën e rikuperimit të njerëzve që janë infektuar dhe kanë zhvilluar një përgjigje imune”.

Burimi: CNN