Me qindra shkencëtarë dhe ekspertë shëndetësorë i janë bashkuar të enjten lëvizjes globale, që ka paralajmëruar për “shqetësime të mëdha” lidhur me politikat e karantinimit e izolimit shkaku i pandemisë COVID-19.

Afro 6.000 ekspertë, përfshirë në këtë mes edhe disa nga Britania e Madhe, kanë bërë të ditur karantina është duke pasur një ndikim shkatërrues në shëndetin fizik dhe atë mendor e social të njerëzve kudo në botë.

Ata me këtë rast kanë bërë thirrje që llogaritja e masave të mbrojtjes nga koronavirusi të përqendrohet te personat më të ndjeshëm, përderisa ata më të shëndoshë po iu rikthehen me lehtësi jetëve të tyre.

Ky vlerësim ka nxitur paralajmërime nga njerëzit e tjerë nga komuniteti shkencor.

Kritikat kanë nxjerrë në pah një qasje se veprimet më të shënjestruara do ta bënin më të vështirë mbrojtjen e personave të ndjeshëm. Është vlerësuar, po ashtu, se rreziku i ndërlikimeve afatgjata nga koronavirusi nënkupton që shumë njerëz të tjerë janë gjithashtu në rrezik.

Por lëvizja – e njohur me emrin “Deklarata Great Barrington” – pasqyron disa nga paralajmërimet nëpërmjet një letre nënshkruar nga një grup i mjekëve në Britaninë e Madhe. Gjashtëdhjetë e gjashtë mjekë, përfshirë edhe mjekët Phil Hammond dhe Rosemary Leonard, si dhe një numër mjekësh që kanë pasur rol kryesor në “British Medical Association”, i kanë shkruar sekretarit britanik të Shëndetësisë.

Kjo lëvizje filloi në Britaninë e Madhe. Deklarata tashmë është nënshkruar nga afro 6.000 shkencëtarë dhe ekspertë mjekësorë nga i gjithë globi, gjithashtu edhe nga 50.000 qytetarë të thjeshtë.

Disa nga ekspertët me seli në Britaninë e Madhe, të cilët e kanë nënshkruar deklaratën, janë: Sunetra Gupta, epidemiolog në Universitetin e Oksfordit, eksperti i Universitetit të Nottinghamit, Ellen Townsend dhe eksperti i sëmundjeve ngjitëse nga Universiteti i Edinburghit, Paul McKeigue.

Ekspertët kanë bërë të ditur se vazhdimi i masave të karantinës, derisa në kohën kur një vaksinë kundër COVID-19 të miratohet, mund të shkaktojë “dëme të pariparueshme”.