Ed Sheeran dhe partnerja e tij, Cherry Seaborn, janë bërë prindër për herë të parë. Përmes një postimi në Instagram, këngëtari bëri me dije se tashmë është baba i një vajze.

“Një mesazh i shpejtë nga unë pasi kam disa lajme personale për të ndarë me ju. Javën e kaluar, me ndihmën e një ekipi të mrekullueshëm, Cherry solli në jetën vajzën tonë të bukur dhe të shëndetshme – Lyra Antarctica Seaborn Sheeran. Jemi plotësisht të dashuruar me të. Mami dhe foshnja janë në gjendje të mirë dhe ndihemi në qiellin e shtatë. Shpresojmë që gjatë kësaj kohe të respektoni privatësinë tonë. Shumë dashuri për të gjithë dhe do të shihemi kur të rikthehem. Ed.”

https://www.instagram.com/p/CEliNEOBw3O/

Ed nuk dha detaje të kuptimit të emrit, por me gjasë Antarctica (Antarktida ose Antartiku) duhet t’i referohet “kontinentit të bardhë” të Tokës, ndërsa Lyra, në astrologji, njihet si një yjësi e vogël.

Sheeran dhe Cherry Seaborn, të lidhur prej shumë vitesh, u martuan në fshehtësi të plotë në vitin 2018.

 

Burimi: Anabel