Ushqimet e vërteta për të pasur një fytyrë, këmbë dhe vithe si top modele i gjeni më poshtë.

Bajamet dhe lajthitë

Nëse lëkura juaj është e ndjeshme, skuqet shpejt dhe priret të plasaritet, mbrojeni duke ngrënë në mëngjes një grusht me bajame dhe lajthi: përmbajnë vitaminë E, e cila zbut lëkurën. Shtoni një kivi: vitamina C nxit sintezën e kolagjenit.

Akullore dhe kos frutash

A e dinit që ato ju dobësojnë? Sepse kompletojnë racionin tuaj të përditshëm me kalcium. Mungesat e këtij minerali mund të ndërhyjnë me aftësinë tuaj për të djegur yndyrnat.

Salmoni

Nuk është si lifting, por po të hani sa më shpesh pjata me bazë të këtij peshku e mbani lëkurën tuaj elastike, sepse e furnizoni me substanca që formojnë kolagjenin.

Qepa

Mos i rrudhni hundët! Qepa ju furnizon me shumë flavonoide, efikase kundër radikaleve të lira: përgjegjësit kryesorë të rrudhave. Ndërmjet të tjerave, acilina (ajo e bën qepën të mbajë erë) ndihmon në dezinfektimin e zorrës. Ajo gjithashtu ju ndihmon të pastroheni, lëkura juaj do të jetë më e pastër. Hajeni të pjekur: është shumë e mirë për aromën e gojës.

Luleshtrydhet

Janë të pasura me acid elagjik, një antioksidues që mbron lëkurën nga dëmet e shkaktuara nga cigaret. 8-10 fruta në ditë ju furnizojnë me sasinë e duhur të vitaminës C, e nevojshme për trupin tuaj.

Ananasi

Ju ndihmon të shfryheni dhe të parandaloni celulitin. Hani një fetë gjithmonë pas një ushqimi që keni gatuar në furrë: bromelina ndihmon në tretjen e proteinave, duke shmangur puçrrat.

Ribesi (rrush frëngu)

Ju kanë dalë kapilarë në këmbë? Hani një filxhan me ribes në ditë: do të furnizoheni me vitaminë C, bioflavonoidë dhe betakaroten, të gjithë “miq” që mbrojnë enët e gjakut.

Burimi: Femra Moderne