Numri i përgjithshëm i rasteve me koronavirus në Amerikë ka kaluar shifrën prej dy milionë të infektuarve të mërkurën, sipas të dhënave të agjencisë Reuters.

Numri i rasteve me infeksion ka nisur të rritet pas pesë javësh rënieje.

Siç raporton Reuters, rezultat i rritjes së rasteve është edhe shtimi i testimeve, që ka arritur rekord më 5 qershor me 545 mijë teste në një ditë.

Rritja e rasteve në ditët e fundit besohet të jetë si rezultat i lëvizjes më të lirë të qytetarëve dhe vazhdimit të punës për bizneset. Edhe protestat e shumta pa distancim social pas vdekjes së afro-amerikanit George Floyd në duart e policisë, mund të çojnë në tjetër shpërthim të rasteve, raporton kjo agjenci e lajmeve.

U

SHBA-ja si shteti me më së shumti raste të konfirmuara me virus, është edhe vendi me më së shumti viktima, me më shumë se 112 mijë persona që kanë vdekur.

Në nivel global deri tash janë infektuar më shumë se 7.3 milionë njerëz, ndërsa më shumë se 400 mijë kanë vdekur.

Burimi: Reuters